لاہور( این این آئی)پنجاب حکومت نے آبیانے کی مد میں کسانوں کی اضافی 32 ارب روپے لینے کا فیصلہ کرلیا۔تفصیلات کے مطابق پنجاب حکومت نے آبیانے کے ریٹس بڑھانے کی منظوری دیدی، فیصلے سے کسانوں سے اضافی 32 ارب روپے وصول کیے جائیں گے۔ رقم نہری نظام چلانے اور ترقیاتی و مرمتی کاموں پر خرچ کی جائے گی۔

یاد رہے کہ پہلے کسی بھی فصل پر فی ایکڑ سالانہ 400 روپے لیے جاتے تھے تاہم اب فی ایکڑ 400 روپے سالانہ کی بجائے فصلوں کے حساب سے آیانہ وصول کیا جائے گا۔دستاویزات کے مطابق اب گندم، دالیں400، سبزیاں1200، پھل 1000روپے فی ایکڑ سالانہ آبیانہ وصول کیا جائے گا، چاول کے 2000، کپاس کے 1000 روپے فی ایکڑ سالانہ وصول کیے جائیں گے۔