کراچی(این این آئی)کراچی میں ایف آئی اے اور کسٹم حکام نے کارروائی کرتے ہوئے گودام سے بھاری مقدار میں ممکنہ سمگل شدہ سامان برآمد کر لیا۔ایف آئی اے حکام کے مطابق اسمگلڈ اشیا کی موجودگی کی اطلاع پر کارروائی پرانی سبزی منڈی کے قریب ایک گودام میں کی گئی، برآمد ہونے والے سامان میں مہنگے ترین جوتے، گالف کٹ، پرفیوم اور کاسمیٹک کی دیگر چیزیں شامل ہیں، سامان کی کل مالیت ایک ارب روپے کے قریب ہے، وئیر ہاس سے دو افراد کو حراست میں لے لیا گیا۔

ایڈیشنل ڈائریکٹر اینٹی کرپشن سرکل جاوید بلوچ نے بتایا ہے کہ اسمگلنگ کے سامان کی موجودگی کی اطلاع پر کارروائی کی گئی، ابتک وئیر ہاس کے اندر موجود سامان کی کوئی دستاویزات نہیں دی گئیں، ممکنہ طور پر سامان ا سمگل شدہ ہے۔