کراچی (این این آئی)کراچی میں ریاست مخالف نعرے لگانے پر 8 ملزمان کو گرفتار کر لیا گیا۔اس حوالے سے ڈی آئی جی ساؤتھ اسد رضا کے مطابق کہ ملزمان کو سی سی ٹی وی فوٹیج کی مدد سے گرفتار کیا گیا ہے۔انہوں نے بتایا کہ ملزمان نے دوران احتجاج پریس کلب پر ریاست مخالف نعرے لگائے تھے، بیشتر ملزمان کو سہراب گوٹھ سے گرفتار کیا گیا۔

اسد رضا نے کہا کہ مزید ملزمان کی شناخت کا عمل جاری ہے، ملزمان کے خلاف آرٹلری میدان تھانے میں مقدمہ درج ہے۔ڈی آئی جی ساؤتھ نے کہا کہ گرفتار ملزمان کو عدالت میں پیش کیا جا رہا ہے۔