سرگودھا(این این آئی)سرگودھامیں ناراض بیوی کو منانے میں ناکام شوہر نے فائرنگ کرکے اپنی بیوی کو قتل اورساس کو شدید زخمی کر دیا اور فرار ہو گیا، پولیس نے قتل اور اقدام قتل کا مقدمہ درج کر کے مطلوب ملزم کو گرفتار کر لیا اور آلہ قتل کی برآمدگی کے لئے مصروف تفتیش ہے۔

تفصیلات کے مطابق سرگودھا شہر کے علاقہ عبداللہ کالونی کی دوشیزہ عطیہ بی بی کی شادی قصبہ مٹیلا کے نوجوان اکرم سے ہوئی اور سسرال میں تین سال قبل گھریلو جھگڑوں پر شوہر سے روٹھ کر اپنے میکے عبداللہ کالونی سرگودھا آ گئی جسے گزشتہ روز شوہر اکرم منانے کیلئے سسرال آیا اور تلخ کلامی مشتعل شوہر نے فائرنگ کر کے اپنی بیوی کو قتل اور ساس کو شدید زخمی کر دیا اور فرار ہو گیا۔پولیس پر تھانہ کینٹ پولیس نے قتل اور اقدام قتل کا مقدمہ درج کر کے مطلوب ملزم اکرم کو گرفتار کر لیا اور اس سے آلہ قتل کی برآمدگی کے لئے مصروف تفتیش ہے۔