کولکتہ(این این آئی)ورلڈکپ میں بنگلادیشن کے خلاف میچ کیلئے پاکستان ٹیم میں تین تبدیلیوں کا امکان ہے۔ ذرائع کے مطابق اوپنر امام الحق کی جگہ پر فخر زمان کو میدان میں اتارا جائے گا۔اسی طرح آل رانڈر محمد نواز کی جگہ سلمان علی آغا فائنل الیون کا حصہ ہوسکتے ہیں۔علاوہ ازیں شاداب خان کی جگہ اسامہ میر بنگلادیش کیخلاف ایکشن میں نظر آسکتے ہیں۔
پاکستان ٹیم ایونٹ میں اپنا ساتواں میچ منگل کو بنگلادیش کے خلاف کوکلتہ کے ایڈن گارڈنز میں کھیلے گی۔ ورلڈکپ میں اب تک قومی ٹیم 6 میں سے صرف 2 ہی میچز جیت پائی ہے اور سیمی فائنل میں پہنچنے کی امید برقرار رکھنے کیلئے قومی ٹیم کو اپنے بقیہ تمام میچز جیتنا لازمی ہیں۔
