لاہور( این این آئی)چیئرمین پاکستان فلور ملز ایسوسی ایشن عاصم رضا نے کہا ہے کہ سیکرٹری خوراک پنجاب کی جانب سے 200من سے زائد گندم کی سٹوریج پر پابندی کے باعث اوپن مارکیٹ میں گندم کی قیمت میں 75روپے فی من اضافہ ہو گیا ہے جس سیاوپن مارکیٹ میں چالیس کلو گرام گندم کے نرخ 4725 روپے ہوگئے ہیں۔ اپنے بیان میں انہوںنے کہاکہ اوپن مارکیٹ میں بیس کلو کا آٹے کا تھیلا 2800روپے میں فروخت ہونے لگا ہے،صورتحال برقرار رہی تو گندم کی قلت اور آٹا مزید مہنگا ہونے کا اندیشہ ہے۔انہوں نے کہا کہ سیکرٹری خوراک پنجاب نے جلدبازی میں یہ اقدام اٹھایا ہے،کوئی بھی شخص 200من سے زیادہ گندم ذخیرہ نہیں کرسکتا،اس پالیسی سے گندم کے نرخ مزید بڑھیں گے،ہم نے تجویز دی ہے کہ ایسی پالیسی نہ دیں۔