واشنگٹن (این این آئی)ترجمان امریکی محکمہ خارجہ ویدانت پٹیل نے کہا ہے کہ مستحکم، محفوظ اور خوشحال پاکستان خطے کیساتھ امریکا کے بھی مفاد میں ہے۔ہفتہ وار پریس بریفنگ کے دوران ترجمان امریکی محکمہ خارجہ سے امریکی سفیر اور وزیرخزانہ اسحاق ڈار کی ملاقات پر سوال کیا گیا جس کا انہوں نے واضح جواب نہیں دیا۔ انہوں نے کہا کہ اس ملاقات سے متعلق مخصوص معلومات نہیں، پاکستانی حکام کے ساتھ باقاعدگی سے ملاقاتیں کرتے رہتے ہیں۔ انہوں نے کہا کہ سمجھتے ہیں کہ مستحکم، محفوظ اور خوشحال پاکستان خطے ہی نہیں امریکا کے بھی مفاد میں ہے۔