لاہور( این این آئی) پولیس نے 9 مئی کے سانحے کے ایک اور اہم شرپسند کو گرفتار کر لیا ۔شر پسند کے ورثا ء نے 9مئی کے واقعات کی شدید الفاظ میں مذمت کی ہے۔سہراب نامی شر پسند کو 9 مئی کی اشتعال انگیزی میں مرکزی کردار ادا کرنے پر شناخت کے بعد گرفتار کیا گیا ہے۔شر پسند سہراب کے چچا نے بھتیجے کی شر پسندی کا اعتراف کرتے ہوئے سانحے کی مذمت کی ہے۔شر پسند سہراب کے چچا نے کہا ہے کہ میں 9 مئی کے واقعات کی پر زور مذمت کرتا ہوں، ہمارا بھتیجا 9 مئی کے شر پسند واقعات میں گرفتار ہے۔خبردار کرتا ہوں کہ نوجوان نسل کو خود کو چیئرمین پی ٹی آئی کی اشتعال انگیز تقاریر اور نظریے سے دور رکھے ،یہ ایک پراپیگنڈہ ہے جو نوجوان نسل کو خراب کر رہا ہے، چیئرمین پی ٹی آئی ایک پراپیگنڈے پر کام کر رہے ہیں۔