چنئی(این این آئی)بھارت کی ریاست تامل ناڈو کے ضلع ٹینکاسی میں ایک دلت نوجوان پولیس کی حراست میں مردہ پایا گیا جس کے جسم پر تشدد کے واضح نشانات تھے۔کشمیر میڈیا سروس کے مطابق 23سالہ نوجوان تھنگاسامی کوغیر قانونی فروخت کے لئے ایک خاتون کو شراب کی بوتلیں فراہم کرنے پر حراست میں لیا گیا تھا۔اسے عدالتی تحویل میں بھیج دیا گیا اور بے چینی محسوس کرنے کی شکایت پر اسے ترونیلویلی میڈیکل کالج ہسپتال لایا گیا۔نوجوان کی پوسٹ مارٹم رپورٹ میں اس کے جسم پر سرخی مائل بھورے رنگ کے 7نشانات کی موجودگی کا انکشاف ہوا ہے۔ رپورٹ میں یہ بھی انکشاف ہوا کہ چوٹیں موت سے تین سے چار دن پہلے لگیں تھیں۔