میرپور(این این آئی)ڈی آئی جی ڈاکٹر خالد چوہان نے کہا ہے کہ انسانی سمگلنگ میں ملوث نیٹ ورک کے خلاف گرینڈ آپریشن کا آغاز کر دیا ہے۔نجی ٹی وی سے گفتگو کرتے میرپور آزاد کشمیر کے ڈی آئی جی ڈاکٹر خالد چوہان نے کہا کہ غیر قانونی طریقے سے نوجوانوں کو یورپ بھیجنے والے 9 ایجنٹ گرفتار کر لئے گئے ہیں، یونان کشتی حادثے میں کھوئی رٹہ کے 24سے 26لوگ شامل تھے۔ڈی آئی جی ڈاکٹر خالد چوہان نے کہا کہ گرفتار ہونے والے 9ایجنٹوں کے خلاف تھانہ کھوئی رٹہ میں مقدمہ درج کرکے قانونی کارروائی کا آغاز کر دیا گیا ۔