لاہور ( این این آئی) پاکستان اور سری لنکا کے درمیان دو میچز پر مشتمل ٹیسٹ سیریز کا متوقع شیڈول سامنے آگیا۔ذرائع کے مطابق ٹیسٹ سیریز 16سے 28 جولائی کے درمیان ہو سکتی ہے جبکہ میچز کولمبو اور گال میں ہونے کا امکان ہے۔دونوں ٹیموں کے درمیان ہونے والی ٹیسٹ سیریز انٹرنیشنل کرکٹ کونسل (آئی سی سی ) ٹیسٹ چمپئن شپ کا حصہ ہوگی جبکہ ذرائع کا کہنا ہے کہ سری لنکا کرکٹ اگلے چند روز میں سیریز کے شیڈول کا حتمی اعلان کرے گا۔دوسری جانب بعض رپورٹس میں دعویٰ کیا گیا کہ سری لنکن کرکٹ نے ورلڈ کپ کے پیش نظر دورے میں ون ڈے میچز شامل کرنے کی تجویز دی تھی اور اس حوالے سے دونوں بورڈز کے درمیان ابتدائی بات چیت بھی ہوئی تھی تاہم ناگزیر وجوہات کی بنیاد پر وائٹ بال سیریز کو حتمی شکل نہ دی جا سکی۔