یروآن(این این آئی)آرمینیا نے الزام عائد کیا ہے کہ اس کے سرحدی علاقے میں آذربائیجان کی فوج نے شیلنگ کی ہے۔ غیرملکی خبررساں ادارے کے مطابق یروان سے آرمینین وزارت دفاع نے بتایاکہ آذربائیجان کی فوج کی شیلنگ سے 2 بھارتی شہری زخمی ہوئے ۔
آرمینین وزارت دفاع کے مطابق شیلنگ کے وقت دونوں بھارتی شہری پلانٹ میں تعمیراتی کام میں مصروف تھے۔ ادھر خبر ایجنسی کا کہنا تھا کہ آرمینیا اور آذر بائیجان کی سرحدی فورسز میں اکثر شیلنگ کا تبادلہ ہوتا رہتا ہے۔ خبر ایجنسی نے مزید بتایا کہ دونوں ملکوں کے درمیان 30 برسوں سے نوگورنو کاراباخ کے علاقے پر تنازع چل رہا ہے۔
