نئی دہلی (این این آئی)انگلینڈ کے اوول گرائونڈ پر ٹیسٹ چیمپئن شپ کے فائنل میں بری پرفارمنس پر بھارتی کرکٹ ٹیم کے سابق ہیڈ کوچ روی شاستری روہیت شرما الیون پر برس پڑے۔
ایک بیان میں روی شاستری نے کہا کہ بھارتی کھلاڑیوں کو فیصلہ کرنا ہوگا کہ انہیں فرنچائز کرکٹ کھیلنی ہے یا ملک کیلئے کھیلنا ہے۔انہوں نے کہا کہ بھارتی ٹیم کے تمام پلیئرز کو اپنی ترجیحات بتانی چاہئیں، اگر ان کی ترجیح فرنچائز کرکٹ ہے تو یہ ورلڈ ٹیسٹ چیمپئن شپ کو بھول جائیں۔بھارتی ٹیم کے سابق کوچ نے کہا کہ کرکٹ بورڈ (بی سی سی آئی) کو فرنچائز کرکٹ کے معاملے پر سامنے آنا ہوگا۔انہوںنے کہاکہ بی سی سی آئی کو کنٹریکٹ میں شق ڈالنی چاہئے کہ وہ کسی وقت بھی کھلاڑیوں کو فرنچائز کرکٹ سے روک سکیں۔روی شاستری نے کہا کہ کنٹریکٹ میں شق ڈالنے کے بعد فرنچائز سے پوچھا جائے کہ وہ کسی بھی کھلاڑی پر کتنی انویسٹمنٹ کرنا چاہتے ہیں۔
