لاہور( این این آئی)پاکستان تحریک انصاف کے سینئر رہنما زلفی بخاری نے بجٹ کو اوورسیز پاکستانیوں کے ساتھ بڑا مذاق قرار دیتے ہوئے کہا ہے کہ قوم اچھی طرح جانتی ہے ملک اور معیشت کے ساتھ کیا ہو رہا ہے۔

انہوں نے کہا کہ اب یہ بجٹ خاص طور پر اوورسیز پاکستانیوں کے لیے ایک بہت بڑا مذاق ہے۔انہوں نے کہا کہ حکومت کو آخرکار معیشت رواں دواں رکھنے کے لیے اوور سیز پاکستانیوں کی ضرورت کا احساس ہوگیا۔زلفی بخاری نے مزید کہا کہ حکومت اوورسیز پاکستانیوں پر ایف آئی آرز درج کرکے اظہار رائے پر پابندی لگانا چاہتی ہے۔