نیو یارک(نیوز ڈیسک)آپ سوچ رہے ہوں گے کہ کیا یہ سینڈوچ سونے کی بنی ڈبل روٹی سے تیار کیا گیا ہے جو اس قدر مہنگا اور وقت طلب ہے۔جی نہیں یہ سینڈوچ بالکل سونے چاندی کا تیار کردہ نہیں ہے بلکہ اسے بنانے والے نے کمال فن کا مظاہرہ کیا ہے۔مذکورہ سینڈوچ کو تیار کرنے کی ترکیب حاضر خدمت ہے اگر کبھی دل چاہے تو آپ بھی گھر میں یا اگر کبھی گاوں جانے کا اتفاق ہو تو آرام سے ٹرائی کر سکتے ہیں۔علاوہ ازیں اسے بناتے وقت آپکو اچھی طرح اندازا ہو جائے گا کہ ہمارا بنا بنایا کھانا آخر آتا کہا ں سے ہے۔رپورٹ کے مطابق جارج نامی شخص نے چھ ماہ کے عرصے کے دوران 1500ڈالر خرچ کر کے سب سے پہلے سبزیاں اگائیں اس کے ساتھ سمندر کے پانی سے نمک حاصل کیا، پھر ایک گائے سے دودھ حاصل کر کے اس سے پنیر بنائی،گندم کا آٹا پیسا،شہد کے چھتوں سے شہد حاصل کیااور سب سے خطرناک کام ایک معصوم مرغی کو ذبح کیااور اس کے بعد یہ انوکھا سینڈ وچ معرض وجود میں آیا۔امید ہے آپکو اس سینڈوچ کی ترکیب پسند آئی ہوگی اور آپ اسے مستقبل قریب میں ضرور ٹرائی کریں گے