نیویارک(نیوز ڈیسک)کہتے ہیں عمر چاہے کچھ بھی ہوبس دل جوان ہونا چاہئے۔امریکی ریاست ٹینیسی کی 87سالہ دادی ہیلن بھی اسی مقولہ پر عمل کرتی نظر آتی ہیں اور خود کو آج بھی نہ صرف جوان سمجھتی ہیں بلکہ شوخ و چنچل ملبوسات زیب تن کرنا اور ناچنا گانا بھی ان کا پسندیدہ مشغلہ ہے۔بات یہیں پر ختم نہیں ہوتی،گزشتہ دنوں سوشل میڈیا کی مقبول ترین دادی پہنچیں ایم ٹی وی میوزک ایوارڈز کی تقریب میں اور وہاں مشہور سنگرز کے ساتھ تصاویر بنوانے کا شوق بھی پورا کیا۔ آپ کو حیرت ہوگی کہ دادی جان کے انسٹاگرام پر چاہنے والوں میں ریحانہ، بیونسے، ملی سائرس اور نیکول ریچی بھی شامل ہیں۔