اسلام آباد(نیوز ڈیسک)امریکی ریاست ٹیکساس میں ایک مسلمان بچہ اپنے اساتذہ کو متاثر کرنے کے چکر میں گرفتار ہو گیا۔ بچے کے اساتذہ خود ساختہ گھڑی کو بم سمجھ بیٹھے۔تفصیلات کے مطابق چودہ سالہ احمد محمود اپنے اساتذہ کو متاثر کرنے کے لیے اپنی ڈیجیٹل گاڑی سکول لے کر گیا جو اس نے خود بنائی تھی۔ احمد محمود کے مطابق جب اس نے گھڑی اپنی ٹیچر کو دکھائی تو ٹیچر گھڑی پرنسپل کے پاس لے گئی۔کچھ دیر بعد سکول کے اساتذہ نے پولیس کو اطلاع دی اور احمد محمود کو گرفتار کروا دیا۔ یہ واقعہ منظر عام پر آنے کے بعد سکول کی انتظامیہ کو سوشل میڈیا پر شدید تنقید کا نشانہ بنایا گیا اور ٹوئٹر پر احمد محمود کے نام سے ٹرینڈ چل پڑا ۔سکول انتظامیہ کا موقف ہے کہ گھڑی بم سے مشابہت رکھتی تھی اس لیے پولیس کو بلایا گیا۔ صدر اوباما نے بھی اپنے ایک ٹویٹ میں احمد محمود کو وائٹ ہاوس میں دعوت دے ڈالی جس کے بعد فیس بک کے بانی بھی پیچھے نہ رہے اور احمد محمود کے حق میں اپنے پیغام میں اس سے ملنے کی خواہش کا اظہار کر ڈالا۔
آج کی سب سے زیادہ پڑھی جانے والی خبریں
