نیویارک(این این آئی)ارب پتی امریکی اور ٹوئٹر کے مالک ایلون مسک کی سابقہ گرل فرینڈ کینیڈین گلوکارہ گرائمز نے کہا ہے کہ وہ مصنوعی ذہانت کے پروگراموں کے ذریعے بنائے گئے گانوں میں اپنی آواز کا استعمال اس شرط پر قبول کریں گی کہ ان نئے کاموں سے حاصل ہونے والی آمدنی کا نصف انہیں دیا جائے۔

میڈیارپورٹس کے مطابق 35 سالہ موسیقارہ نے انسٹاگرام پر ایک پوسٹ میں کہا کہ آمدنی کا اشتراک کسی فنکار کے ساتھ کسی بھی تعاون” کے مترادف ہوگا۔کسی بھی جرمانے کا سامنا کیے بغیر میری آواز استعمال کرنے میں ہچکچاہٹ محسوس نہ کریں۔ میری کسی تیسرے فریق، ریکارڈنگ کمپنی یا ڈسٹری بیوٹر کے لیے کوئی قانونی ذمہ داری نہیں ہے۔آن لائن میوزک اسٹار کا یہ موقف کینیڈا کے گلوکار ڈریک اور دی ویکنڈ کے ایک جعلی گانے کی اشاعت کے چند دن بعد سامنے آیا، جسے مصنوعی ذہانت کے پروگرام کا استعمال کرتے ہوئے بنایا گیا تھا۔”ہارٹ آن مائی سلیو” کا گانا جسے لاکھوں لوگوں نے سنا نشر کیے جانے کے چند دن بعد “یونیورسل میوزک گروپ” کی درخواست پر ہٹا دیا گیا۔گذشتہ نومبر کے آخر میں ChatGBT چیٹ بوٹ کے متعارف ہونے کے بعد سے نیا مواد بنانے اور دانشورانہ املاک کے احترام کے لیے استعمال کیے جانے والے ڈیٹا پر بحث چھڑ گئی ہے۔گرائمز ایلون مسک کی سابق جیون ساتھی ہیں اور ایلون سے ان کے دو بیٹے ہیں، جن میں سے ایک متبادل ماں سے ہے۔