لاہور ( این این آئی) سابق رکن پنجاب اسمبلی اور چیئرمین ضلع کونسل قصورچودھری حاکم علی کے صاحبزادے چودھری وقار حاکم علی گزشتہ روزپیپلز پارٹی میں شامل ہو گئے،قائم مقام صدر رانا فاروق سعید نے چودھری منظور کی موجودگی میں پارٹی پرچم پہنایا۔

چودھری وقار حاکم علی پی پی 174قصور سے پیپلز پارٹی کے ٹکٹ پر الیکشن لڑیں گے ۔شمولیتی تقریب میں فصل میر،احمد جواد فاروق رانا،شہیم صفدر نواز بھٹی،عمران نول،سرمد منظور،ناصر کمال بھٹی،چودھری رضا محمد ،رانا جمیل منج امجد جٹ اور نعمان یوسف بھی شریک تھے۔اس موقع پر خطاب کرتے ہوئے قائم مقام صدر پیپلز پارٹی وسطی پنجاب رانا فاروق سعید نے کہا کہ چودھری وقار حاکم کی شمولیت پیپلز پارٹی کیلیے نیک شگون ہے۔ ان کی پیپلز پارٹی میں شمولیت چودھری منظور کی کوششوں کا ثمر ہے،ممبر سنٹرل ایگزیکٹو چودھری منظور نے کہا کہ چودھری وقار حاکم کو پیپلز پارٹی میں خوش آمدید کہتے ہیں،چودھری وقار حاکم علی ضلع قصور میں بارش کا پہلا قطرہ ہیں اسکے بعد اب برسات ہو گی۔پی پی 174سے پیپلز پارٹی کے نئے ٹکٹ ہولڈر چودھری وقار حاکم علی نے کہا کہ میرا پیپلز پارٹی سے آبائی واسط ہے۔انشا اللہ تعالی جیت پیپلز پارٹی کا مقدر ہے،سابق ٹکٹ ہولڈرنواز بھٹی نے کہا کہ پارٹی کی خاطر ہر قرآنی دینے کے لئے تیار ہیں۔