لاہور(نیوزڈیسک)واپڈا پن بجلی گھروں سے گزشتہ روز پیک آورز کے دوران بجلی کی پیداوار 6 ہزار 884 میگاواٹ تک پہنچ گئی ، جو پاکستان میں پن بجلی کی پیداوار کا ریکارڈ ہے ۔ قبل ازیں پن بجلی کی ریکارڈ پیداوار 14 ستمبر 2013 ءکو حاصل ہوئی تھی جو 6 ہزار 813 میگاواٹ تھی ۔پن بجلی کی یہ ریکارڈ پیداوار واپڈا پن بجلی گھروں کے مو ¿ثر آپریشن اور دیکھ بھال، آبی ذخائر میں پانی کی بہتر دستیابی اور صوبوں کی ڈیمانڈ پر آبپاشی کیلئے ارسا کے انڈنٹ کے مطابق ڈیموں سے پانی کے زیادہ اخراج کی بدولت حاصل ہوئی ۔ چیئرمین واپڈا نے اِس امر پر تمام پن بجلی گھروں کے منتظمین کو مبارکباد پیش کی ہے اور کہا ہے کہ وہ اسی محنت کو جاری رکھیں، جس کے بدولت پن بجلی کی یہ ریکارڈ پیداوار ممکن ہوئی۔پن بجلی کی یہ تاریخ ساز پیداوار گزشتہ سال کے اسی دِن پیدا ہونے والی پن بجلی یعنی 4 ہزار 892 میگاواٹ کے مقابلے میں تقریباً 2 ہزار میگاواٹ زیادہ ہے ۔اعدادو شمار کے مطابق تربیلا ہائیڈل پاور سٹیشن نے 3 ہزار 598 میگاواٹ بجلی پیدا کی جبکہ اس کی پیداواری صلاحیت3 ہزار 478 میگاواٹ ہے ۔ غازی بروتھہ ہائیڈل پاور سٹیشن سے ایک ہزار 450 میگاواٹ بجلی پیدا ہوئی جبکہ اس کی پیداواری صلاحیت بھی ایک ہزار 450 میگاواٹ ہے ۔ منگلا ہائیڈل پاور سٹیشن نے ایک ہزار 115 میگاواٹ بجلی مہیا کی جبکہ اس کی پیداواری صلاحیت ایک ہزار میگاواٹ ہے ۔ باقی بجلی واپڈا کے دیگر پن بجلی گھروں بشمول وارسک ، چشمہ اور جناح ہائیڈل پاور سٹیشن سے