ممبئی(نیوزڈیسک)امریکی حکومت نے ممبئی میں ایک سابق مہاراجہ کا مینشن لنکن ہاو¿س 105 ملین ڈالرز میں ایک بھارتی ارب پتی کو فروخت کردیا۔1957 سے 2011 تک امریکی قونصل خانہ رہنے والے لنکن ہاو¿س کو ایک مقامی مہاراجہ سے خریدا گیا تھا ، جس نے ٹیکس ادا کرنے کیلئے اسے فروخت کیا۔انڈیا کے امیر ترین افراد میں شامل اور ویکسین تیار کرنے والے سیرم انسٹیٹیوٹ کے بانی سائرس پونے والا نے ممبئی میں ساحل سمندر کے کنارے موجود اس مینشن کو اربوں روپے میں خریدا ۔سائرس کے بیٹے آدر پونے والا نے بذریعہ ای میل بتایا کہ ہم نے مارکیٹ کی صورتحال اور اچھی قیمت کو مد نظر رکھتے ہوئے یہ مینشن خریدنے کا فیصلہ کیا۔یہ ممبئی کے جنوب میں بہترین لوکیشن پر تاریخی ثقافتی پراپرٹی ہے، جس کی از سر نو ڈیزائنگ کی اجازت نہیں سیرم کے سی ای او آدر پونے والا نے بتایا کہ تمام ٹیکس ملانے کے بعد اس جائیداد کی ک±ل قیمت آٹھ ارب انڈین روپے ہے۔انہوں نے بتایا کہ تقریباً دو مہینے بعد ملکیت ملنے کے بعد اسے پونے والا خاندان کی رہائش گاہ کے طور پر استعمال کیا جائےگا۔1938 میں ممبئی کے بریچ کینڈی علاقے میں دو ایکڑ پر پھیلی اس عمارت کو مہاراجہ کے دور میں ونکنیر محل کے نام سے جانا جاتا تھا۔امریکا نے 2011 میں ممبئی کے ایک اور علاقے میں اپنا قونصل خانہ منتقل کر دیا تھا۔ قونصل خانہ کے ایک ترجمان نے لنکن ہاو¿س کی فروخت کے حوالے سے تبصرہ کرنے سے انکار کر دیا۔