لاہور( این این آئی)پنجاب بار کونسل کے ممبر چوہدری بابر وحید نے ساتھیوں سمیت تحریک انصاف میں شمولیت کا اعلان کر دیا ۔ وکلاء کے وفد نے چیئرمین تحریک انصاف عمران خان سے زمان پارک میں ملاقات کی ۔صدر سانگلہ ہل بار محمد عمران مشتاق بٹالوی،
سیکرٹری سانگلہ ہل بار خضر حیات، سابق صدر سانگلہ ہل بار علی حیدر چٹھہ شامل ، نائب صدر سانگلہ ہل بار محمد احمد، نائب صدر لاہور بار میاں شرجیل اور چوہدری غلام مرتضی، سابق نائب صدر لاہور بار ندیم ضیا بٹ ،ایڈووکیٹ ہائیکورٹ عدیل اصغر ہاشمی، ملک بابر حسین، حمزہ ساجد چوہدری، زبیر علی اور میاں زبیر وحید بھی شمولیت اختیار کرنے والوں میں شامل تھے۔ وکلاء رہنمائوںنے ملک میں آئین کی بالادستی، قانون کی حکمرانی، عدلیہ کی آزادی و خود مختاری اور جمہوریت کے تحفظ و استحکام کے حوالے سے چیئرمین تحریک انصاف کے موقف کی مکمل تائید کا اعلان کیا ۔ عمران خان نے کہا کہ آئین کی حفاظت اور قانون کی بالا دستی کیلئے جدوجہد میں وکلاء کا کردار اہمیت کا حامل ہے ۔ وکلاء کو موجودہ حالات میں اپنی بھرپور آواز بلند کرنی چاہیے ۔
