نوشکی(آن لائن) بلوچستان کی کالعدم علیحدگی پسند تنظیموں کے مزید چھبیس فراریوں نے ہتھیار ڈال کر قومی دھارے میں شامل ہونے کا اعلان کردیا ہے ۔ تمام فراریوں سے قومی وفاداری کا حلف لیا گیا اور فراریوں نے مستقبل میں ملک کی تعمیر وترقی میں اہم کردار ادا کرنے کا عزم کیا ہے ۔ چند ماہ قبل بھی سینکڑوں علیحدگی پسندوں نے کالعدم تنظیموں سے علیحدگی اختیار کرکے قومی دھارے میں شمولیت کا اعلان کیا تھا اور ہتھیار ڈال دیئے تھے ۔ تفصیلات کے مطابق پیر کے روز بلوچستان کے علاقے نوشکی میں ایک خصوصی تقریب کاانعقاد کیا گیا جس میں بلوچستان کی مختلف کالعدم تنظیموں سے تعلق رکھنے والے چھبیس فراریوں نے ہتھیار ڈال دیئے ہتھیار ڈالنے والوں میں کالعدم بی ایل ایف کے گیارہ ، بی آر پی کے چودہ اور بی ایس او آزاد کا ایک فراری شامل ہے اس موقع پر ہتھیار ڈالنے کی تقریب میں قبائلی عمائدین سمیت سیاسی رہنماﺅں نے بھی شرکت کی اور ہتھیار ڈالنے والے تمام چھبیس فراریوں سے ملک کی ترقی اور قومی وفاداری کا حلف لیا گیا جبکہ فراریوں نے اس عزم کا اظہار کیا کہ ماضی میں کچھ لوگوں نے ان کو راہ راست سے بھٹکا دیا تھا اور حقائق جانے بغیر ان کا غلط کاموں میں ساتھ دیتے رہے جس پر ان کو مایوسی ہوئی جبکہ مستقبل میں وہ ملک کی ترقیق کے لئے اہم کردار ادا کرینگے اور اپنی کی ہوئی غلطیوں کو واپس کسی صورت نہیں دوہرائے گے واضح رہے کہ چند ماہ قبل بھی مختلف کالعدم علیحدگی پسند تنظیموں کے سینکڑوں فراریوں نے سیکورٹی فورسز کے سامنے ہتھیار ڈال کر قومی دھارے میں شمولیت کا اعلان کیا تھا اور آئندہ کسی بھی تخریب کاری کے کاموں سے باز رہنے اور ملکی ترقی میں کردار ادا کرنے اور قومی وفاداری کا حلف اٹھایا تھا ۔