اسلام آباد (این این آئی)پاکستان فٹ بال فیڈریشن کے صدر ا نجینئر سید اشفاق حسین شاہ نے کہا ہے کہ پاکستان فٹ بال فیڈریشن آزاد جموں کشمیر میں فٹ بال کے فروغ کے لئے تمام وسائل بروئے کار لائیگی اور کسی کو بھی فٹ بال سیاست کی نذر کرنے کی اجازت نہیں دی جائے گی۔گذشتہ روز میڈیا سے گفتگو کرتے ہوئے انہوں نے کہا کہ آج تک آزاد جموں و کشمیر میں فٹ بال کے لئے کسی نے بھی کوئی کام نہیں کیا اور نہ ہی آزاد جموں و کشمیر میں

2011 ء کے بعد فٹ بال کے انتخابات ہوئے جس کی وجہ سے فٹ بال تنزلی کا شکارہے بلکہ آزاد جموں و کشمیر میں فٹ بال کے ٹیلنٹ کی کمی نہیں بلکہ آزاد جموں و کشمیر کے فٹ بالروں کو نظراندار کیا جا تا رہا۔انہوں نے کہا کہ پاکستان فٹ بال فیڈریشن آزاد جموں و کشمیر میں فٹ بال کے فروغ کے لئے کام کرنے کے لئے سنجیدہ ہے اورآزاد جموں و کشمیر میں فٹ با ل کے کھیل کو سیاست کی نذر نہیں ہونے دیا جائیگا بلکہ انتشار پھلانے والوں کے خلاف سخت کاروائی کی جائے گی۔

موضوعات:پاکستان فٹ بال فیڈریشن