برمنگھم (آئی این پی)پاکستان ٹیم اپنا تیسرا اور آخری گروپ میچ پیر کو سری لنکا کے خلاف کارڈف کے مقام پر کھیلے گی ، دونوں ٹیموں کے درمیان یہ میچ ڈے ہوگا اور پاکستان کے معیاری وقت کے مطابق دو بجکر 30 منٹ پر شروع ہوگا ۔تفصیلات کے مطابق پاکستان ٹیم اپنا تیسرا اور آخری گروپ میچ 12 جون کو سری لنکا کے خلاف کارڈف کے مقام پر کھیلے گی۔دونوں ٹیموں کے درمیان یہ میچ ڈے ہوگا اور پاکستان کے

معیاری وقت کے مطابق 2 بجکر 30 منٹ پر شروع ہوگا۔ پاکستان ٹیم کو آئی سی سی چیمپئنز ٹرافی کرکٹ ٹورنامنٹ کے سیمی فائنل کے لئے کوالیفائی کرنے کے لئے میچ جیتنا ہوگا۔میڈیا رپورٹ کے مطابق پاکستان کی ٹیم گروپ بی میں ہے اور ایک میچ جیت کر پوائنٹ ٹیبل پر دو پوائنٹس کے ساتھ جنوبی افریقہ کے بعد تیسرے نمبر پر ہے اور اب صورتحال یہ ہے کہ گروپ بی کی چاروں ٹیمیں دو دو پوائنٹ کے ساتھ بالترتیب بھارت پہلے، جنوبی افریقا دوسرے، سری لنکا تیسرے اور پاکستان کی ٹیم چوتھے نمبر پر جو ٹیم اپنا آئندہ میچ جیتے گی وہ سیمی فائنل کیلئے کوالیفائی کریگی۔واضح رہے کہ آئی سی سی چیمپئنز ٹرافی کرکٹ ٹورنامنٹ کا پہلا سیمی فائنل میچ 14 جون کو کھیلا جائیگا، دوسرا سیمی فائنل میچ 15 جون کو جبکہ فائنل میچ 18 جون کو کھیلا جائیگا۔ معروف کرکٹ ویب سائٹ کے مطابق محمد حفیظ کی جگہ فہیم اشرف کو کھلائے جانے کا امکان ہے ،میدان میں اترنے والے متوقع گیارہ کھلاڑی یہ ہونگے۔اظہرعلی، فخر زمان، بابر اعظم، شعیب ملک، سرفرازاحمد، فہیم اشرف، عماد وسیم، محمد عامر، شاداب خان، حسن علی اور جنید خان۔

موضوعات:چیمپئنزٹرافی