اسلام آباد (پی پی آئی)قومی ٹیم کے ایک اور مایہ ناز فاسٹ باولر حارث روف بھی ڈی ایس پی بنا دیئے گئے۔فاسٹ باولر نسیم شاہ کے بعد اب قومی کرکٹ ٹیم کے مایہ ناز فاسٹ باولر حارث روف اسلام آباد پولیس کے ڈی ایس پی بن گئے ہیں۔اسلام آباد پولیس نے حارث روف کو خیرسگالی سفیر بھی مقرر کردیا ہے۔پی پی آئی کے مطابق اسلام آباد پولیس نے باقاعدہ تقریب کا انعقاد کیا گیا، جس میں حارث روف کو اعزاز سے نوازا گیا، اور آئی جی اسلام آباد ڈاکٹر اکبر ناصرخاں نے حارث روف کو اعزازی رینک لگائے۔اس سے قبل فاسٹ باولر نسیم کو بلوچستان پولیس میں اعزازی ڈی ایس پی بناگیا تھا، اور نسیم شاہ کو آئی جی پولیس بلوچستان عبدالخالق شیخ نے ڈی ایس پی کا اعزازی رینک لگایا۔