واشنگٹن(این این آئی ) چین اپنے انٹرنیٹ کے ایک بڑے حصے کو مغربی ممالک میں دشمنوں کا ڈیٹا حاصل کرنے کیلئے استعمال کررہا ہے تاکہ اپنی فوج، پولیس اور ایجنسیوں کو ان سے متعلق خفیہ معلومات سے لیس کیا

جاسکے۔امریکی اخبار کی رپورٹس کے مطابق چین کے پاس قومی سطح پر پھیلے ڈیٹا سرویلئنس سروسز کا انتظام ہے جسے پبلک اپینئین اینالیسز سوفٹ ویئرکا نام دیا گیاہے۔ اور اسے گزشتہ دہائی کے دوران تیار کیا گیا ہے۔ اس کا استعمال سیاسی نوعیت کی حساس معلومات سے حکام کو آگاہ رکھنے کیلئے کیا جاتا ہے۔رپورٹ نے 2020 کے 300 چینی سرکاری پروجیکٹس کی دستاویزات کا مطالعہ کیا جس میں مغربی ممالک میں موجود ٹارگٹس کی معلومات بذریعہ ٹویٹر ، فیس بک اور دیگر مغربی سوشل میڈیا پلیٹ فارمز سے اکٹھا کرنے کا حکم دیا گیا تھا۔رپورٹس کے مطابق چین کے سرکاری میڈیا، پولیس، ایجنسیاں فوج اور سائبر سیکورٹی ادارے مزید ایسے سسٹمز خرید رہے ہیں جن سے ڈیٹا جمع کرنے کے طریقہ کار کو مزید موثر بنایا جائے۔

موضوعات:امریکی اخبار