لاہور (این این آئی) جتنا ٹیکس دو گے اتنی عزت پاؤ گے’ حکومت نے زیادہ سے زیادہ ٹیکس دینے والے شہریوں کو ہرمحکمہ میں وی آئی پی کا درجہ دینے کیلئے اقدامات شروع کردیئے ہیں جبکہ زیادہ ٹیکس دینے

والوں سے مختلف منصوبہ جات کے افتتاح کروانے کیلئے بھی ہدایات جاری کردی ہیں حکومت کی جانب سے تمام محکموں کو ہدایت کی گئی ہے کہ وہ زیادہ سے زیادہ ٹیکس دینے والے شہریوں کو ہر سطح پر وی آئی پی کا درجہ دیں اور ملک بھر میں مکمل ہونیوالی سکیموں کا افتتاح بھی اس ضلع کے سب سے زیادہ ٹیکس دینے والے افراد سے کروایا جائے اور اہم تقریبات میں ایسی شخصیات کو بطور مہمان خصوصی مدعو کیا جائے اس سلسلہ میں گزشتہ روز سیالکوٹ میں سب سے زیادہ ٹیکس دینے والی خاتون سے تفریح پبلک پارک کا افتتاح کروایا گیا اب ہر ضلع اور تحصیل میں ایسے منصوبوں کا افتتاح ارکان اسمبلی’ وزرائ کیساتھ زیادہ ٹیکس دینے والے افراد کرینگے تاکہ ٹیکس دینے کی شرح میں اضافہ اور ایسے لوگوں کی حوصلہ افزائی کی جاسکے۔

موضوعات:ٹیکس