کوئٹہ(یواین پی) بلوچستان کے علاقے سنجدی میں کوئلے کی کان میں دھماکے کے باعث 7 کان کن جاں بحق ۔ لاشوں کو نکال لیا گیااور باقی 6ارکان کی تلاش جاری ہے ۔میڈیارپورٹس کے بلوچستان کے علاقے سنجدی میں کوئلے کی کان میں دھماکا ہوا ہے جس کے باعث 7 کانکن جاں بحق ہوگئے ہیں ۔کان میں پھنسے ہوئے کانکنوں کو نکالنے کے لیے امدادی ادارے اور سکیورٹی اہلکار موقع پر پہنچ گئے اور امدادی کارروائیاں شروع کردیں۔

چیف انسپکٹر مائنز افتخار احمد نے بتایا کہ مزدوروں کو نکانے کے لیے امدادی کارروائیاں جاری ہیں۔ مقامی انجینئر کاکہنا ہے کہ علاقے میںبجلی نہ ہونے کے باعث امدادی کاموں میں مشکلات کا سامنا کر نا پڑرہا ہے۔ڈی سی کوئٹہ نے میڈیا کو بتایا کہ کان بہت گہری ہے کم ازکم 13 مزدور اس کان میں پھنسے ہوئے ہیں جنہیں نکالنے کے لیے امدادی آپریشن جاری ہے، کوئٹہ سے امدادی ٹیمیں ایمبولنسز، ادویات اور پیرا میڈیکس کے ہمراہ روانہ کردی ہیں۔

موضوعات:افسوسناک واقعہ