اسلام آباد (مانیٹرنگ ڈیسک) ارشد خان چائے والا 2016ء میں اس وقت اچانک مشہور ہو گیا جب اس کی سوشل میڈیا پر چائے کے سٹال پر چائے بناتے ہوئے تصویر سامنے آئی، ارشد خان کی خوبصورت آنکھوں اور پرکشش شخصیت کے چرچے نہ صرف پاکستان میں پھیل گئے بلکہ پڑوسی ملک میں بھی ارشد خان کا ذکر ہونے لگا۔ اس خوب صورت نوجوان کی شخصیت نے جہاں پاکستان کے فلمی حلقوں کو متاثر کیا وہاں بھارت کے بالی ووڈ کنگ بھی اس نوجوان کی تعریف کرنے میں

پیچھے نہ رہے۔ ارشد خان کے گانے کی ویڈیو سامنے آنے پر اس پر گھر والوں اور قریبی ساتھیوں کا دباؤ تھا کہ وہ شوبز کی دنیا چھوڑ دے اور اس کی شوبز سے وابستگی کو ناپسندیدگی کی نگاہ سے دیکھا گیا۔ اس دباؤ کے باوجود ارشد خان دوبارہ شوبز کا حصہ بن گئے ہیں، اس بات کا اظہار انہوں نے اپنے سوشل میڈیا اکاؤنٹ کے ذریعے کیا، ارشد خان نے عورتوں کے حقوق پر بننے والے ڈرامے میں اپنی پرفارمنس کا مظاہرہ کیا، یہ ڈرامہ ملتان آرٹس کونسل کے تعاون سے پیش کیا گیا۔

موضوعات:ارشد خان چائے والا