لاہور (این این آئی)وزیراعلیٰ پنجاب محمد شہبازشریف کی ہدایت پر جناح ہسپتال میں فالج کی وجہ سے زیر علاج نامور موسیقاروجاہت عطرے کو محکمہ اطلاعات و ثقافت کی جانب سے 5لاکھ روپے کی امدادی رقم کا چیک پیش کردیاگیاہے۔

تفصیلات کے مطابق ایڈیشنل سیکرٹری (کلچر) ثمن رائے نے امدادی رقم کا چیک وجاہت عطرے کے اہل خانہ کے حوالے کیا، انہوں نے معروف موسیقار کی جلد صحت یابی کے لئے دعا بھی کی۔ان کا کہنا تھا کہ محکمہ اطلاعات و ثقافت فنکاروں کی فلاح و بہبود کے حوالے سے کام کر رہا ہے، اس ضمن میں تمام معروف فنکاروں کی باقاعدگی سے مالی امداد کی جا رہی ہے۔وجاہت عطرے 3000 سے زائد نغموں کے تخلیق کار ہیں، ان جیسی شخصیات قومی اثاثہ ہیں اور ان کی مدد کرنا حکومت پنجاب کی اولین ترجیح ہے۔وجاہت عطرے کی اہلیہ نے مالی امداد پر وزیراعلیٰ محمد شہبازشریف کا شکریہ ادا کیا۔

موضوعات:وجاہت عطرے