پشاور(مانیٹرنگ ڈیسک)پشاور کے کمسن طالبعلم وسیم نے نوجوانوں کو خودکشی پر مجبور کرنے والی بلیو وہیل گیم کا توڑ نکال لیا ہے۔کلر گیم بلیو وہیل کے بانی فلپ نے جہاں گیم بنا کر درجنوں نوجوانوں کو موت کے منہ میں دھکیلا وہیں پاکستان کے کمسن وسیم نے اینٹی بلیو وہیل گیم بنا کر یہ ثابت کر دیا کہ پاکستانی نوجوان مثبت سوچ کے حامل ہونے کے ساتھ ساتھ بے حد ٹیلنٹد

بھی ہیں۔ اینٹی بلیو وہیل گیم میں بھی اصلی گیم کی طرح پچاس ٹاسک دیے جاتے ہیں۔مگر اس کے ٹاسک مثبت سرگرمیوں پر مبنی ہیں۔ وسیم گل کے اساتذہ نے بھی وسیم کو پاکستان کا فخر قرار دیتے ہوئے کہا کہ حکومت باصلاحیت بچوں کو بین الاقوامی سطح پر اپنی صلاحیتوں کو منوانے کے مواقع فراہم کرے۔ وسیم گل نے اینٹی بلیو وہیل گیم تین ماہ کی محنت سے تیار کیا۔

موضوعات:بلیو وہیل