راولپنڈی (مانیٹرنگ ڈیسک) 9 مئی کے واقعات کے بعد تحریک انصاف کے کارکنوں کی پکڑ دھکڑ کا سلسلہ شروع ہوا تو راولپنڈی سے تحریک انصاف کا سرگرم کارکن قرار دے کر ایک مالشیے کو بھی گرفتار کر لیا گیا۔

نجی ٹی وی چینل کی رپورٹ کے مطابق اسے نو مئی کے واقعات میں تھانہ سٹی کی حدود لیاقت روڈ سے گرفتار کیا گیا، گرفتار ’وزیراعظم‘ کے بارے میں جب تحقیق ہوئی تو وہ ہنگاموں اور توڑ پھوڑ میں ملوث نہ نکلا بلکہ وہ ایک غریب مالشیا نکلا جو ایک ماہ قبل مزدوری کے لئے میلسی ضلع وہاڑی سے راولپنڈی آیا تھا، ’وزیراعظم‘ مختلف ہوٹلوں میں جا کر تیل سے لوگوں کی مالش کرکے ان کی تھکاوٹ دور کرتا ہے۔