راولپنڈی (آن لائن)پیپلز پارٹی کے رہنما، قمر زمان قائرہ نے کہا ہے کہ اپوزیشن نے حکومت کے خلاف جدو جہد کرنے کا فیصلہ کیا ہے۔ مارچ میں موجودہ حکومت گھر روانہ ہوجائے گی۔ملک جب بھی بحران کا شکار ہوتا ہے پیپلز پارٹی کو کمان دی جاتی ہے۔ ثبوت کی بات کرنے والوں کے پاس ثبوت نہیں۔راولپنڈی میں میڈیا سے گفتگو کرتے ہوئے قمر زمان قائرہ نے کہا کہ اپوزیشن جماعتوں نے موجودہ حکومت کے خلاف جدو جہد کنے کا فیصلہ کرلیا ہے اور آنے والے مارچ میں موجودہ حکومت گھر روانہ ہوجائے گی۔ انہوں نے کہا کہ ملک میں جب
بھی کوئی بحران آیا تو پیپلز پارٹی کو کمان دی گئی۔ آج بھی پاکستان بحران کا شکار ہے جس کیلئے تمام اکائیاں ملکر اس کا حل نکالیں کیونکہ موجودہ گالم گلوچ کی حکومت ملک کو بحران سے نہیں نکال سکتی۔ ایک سوال کے جواب میں قمر زمان کائرہ نے کہا کہ چھ ماہ سے آصف علی زرداری جیل میں ہیں اور کوئی ٹرائل نہیں ہوا کیونکہ ثبوت کی بات کرنے والوں کے پاس کوئی ثبوت نہیں ہے یہاں تک کہ ہمارا کیس سندھ کا ہے لیکن اس کو اسلام آباد میں لیا گیا ہے۔ انہوں نے کہا کہ ہمارا کسی ڈیل سے تعلق ہے نہ کسی طرح کی ڈیل کرتے ہیں اور گورنر راج کی دھمکیاں بہت دے چکے ہیں لیکن موجودہ حکومت میں ہمت نہیں۔ قمر زمان کائرہ نے نے بتایا کہ اس سال بے نظیر بھٹو کی برسی کا جلسہ لیاقت باغ کررہے ہیں۔ بدھ کے روز لاہور کے پنجاب کارڈیالوجی انسٹی ٹیوٹ پر وکلاء کے حملہ کے بارے میں انہوں نے کہا کہ اسپتال پر حملہ افسوس ناک ہے اور کسی صورت قابل قبول نہیں۔ اس پر تنقید کرتے ہوئے انہوں نے کہا کہ اتنی بڑی تعداد میں وکلاء اکٹھے ہوئے اور حکومت سو ررہی تھی اسلئے اس حکومت کو جاناچاہیے اور کسی منتخب شخص کو آناچاہیے۔