اوپر کی سطح پر معیشت میں استحکام آرہا ہے، مہنگائی ضرور ہے،اگر لوگ مرغی اور چوزے پال لیں تو پھر کیا ہوگا؟جہانگیرترین نے بڑی پیش گوئی کردی

  پیر‬‮ 14 اکتوبر‬‮ 2019  |  21:16

پشاور (این این آئی)تحریک انصاف کے رہنما جہانگیر ترین نے کہا ہے کہ اوپر کی سطح پر معیشت میں استحکام آرہا ہے، وہ مانتے ہیں کہ مہنگائی ہے، سال چھ ماہ صبر کریں ملکی معیشت میں پائیدار استحکام آجائے گا۔ تقریب سے خطاب میں انہوں نے کہاکہ عمران خان کے خلاف ساری اپوزیشن اکٹھی ہورہی ہے لیکن عمران خان سب کا مقابلہ کریں گے۔انہوں نے کہا کہ پچھلی حکومتوں نے ملک میں لوٹ مار مچائی ہوئی تھی،مگر عمران خان نے آکر اسے بند کردیا ہے۔رہنما پی ٹی آئی نے کہا کہ خان صاحب نے اقتدار میں آتے ہی نئے پروجیکٹ


پر کام شروع کیا ہے جس سے ملک آگے بڑھے گا اور لوگوں میں خوشحالی آئے گی، لوگوں کو پیسے دینے کے بجائے انہوں نے خود مختار بنانے کا کام شروع کیا ہے۔جہانگیر ترین نے کہا کہ اگر لوگ مرغی اور چوزے پال لیں تو ملک کی معیشت بہتر ہوسکتی ہے اور روزگار بھی بڑھے گا۔

موضوعات:

loading...