اسلام آباد (مانیٹرنگ ڈیسک) دفاعی تجزیہ نگار جنرل(ر) امجد شعیب نے ایک نجی ٹی وی چینل کے پروگرام میں مریم نواز اور بلاول بھٹو کو کچرا قرار دے دیا، انہوں نے گفتگو کرتے ہوئے کہا کہ اگر میں یہ بات مان لوں کہ مریم نواز یا بلاول بھٹو کے ہاتھ میں سیاسی مستقبل ہے تو میرا خیال ہے کہ یہ ہی وہ چیز ہے جو آج قوم بدلنے کے لیے کوشاں ہے،

دفاعی تجزیہ کار نے کہا کہ یہ بات ذہن نشین کر لیں کہ اگر یہ غلامانہ ذہنیت رہی تو مریم نواز کے ہاں ایک جنید بھی پیدا ہو چکا ہے اور پھر ایسے ہی یہ سلسلہ چلتا رہے گا، انہوں نے کہاکہ ان لوگوں کو اگر عام لوگوں کے ساتھ بٹھا دیا جائے تو یہ لوگ پچیس ہزار کی نوکری بھی حاصل نہ کر سکیں۔ جنرل(ر) امجد شعیب نے کہا کہ آپ لوگ جن کے بارے کہتے ہیں کہ یہ ہمارے وزیراعظم ہوں گے، کیا باقی لوگوں کی اولادیں نکمی ہیں، کیا پڑھے لکھے اور لوگ نہیں ہیں، کیا ان میں لیڈر شپ کوائلٹیز نہیں ہیں، انہوں نے کہا کہ اس ملک کا میرٹ کہاں گیا،کیا ہمارے مقدر میں یہی کچرا رہ گیا ہے، انہوں نے کہا کہ اگر ملک میں میرٹ کا نظام نہ لایا گیا تو ملک آگے نہیں بڑھ سکے گا، انہوں نے کہا کہ ہم نے یہی نظام ختم کرنا ہے، ان خاندانوں کی غلامی چھو ڑ دینی چاہیے، کوئی پڑھا لکھا بچہ جس میں لیڈر شپ کی اگر صلاحیت موجود ہے تو اس کو آگے آنا چاہیے۔ پروگرام میں اس موقع پر صحافی نسیم زہرا نے ان کے بلاول اور مریم نواز بارے الفاظ پر اعتراض کرتے ہوئے انہیں انتہائی نامناسب الفاظ قرار دیا۔ دفاعی تجزیہ نگار جنرل(ر) امجد شعیب نے ایک نجی ٹی وی چینل کے پروگرام میں مریم نواز اور بلاول بھٹو کو کچرا قرار دے دیا، انہوں نے گفتگو کرتے ہوئے کہا کہ اگر میں یہ بات مان لوں کہ مریم نواز یا بلاول بھٹو کے ہاتھ میں سیاسی مستقبل ہے تو میرا خیال ہے کہ یہ ہی وہ چیز ہے جو آج قوم بدلنے کے لیے کوشاں ہے

موضوعات:جنرل(ر) امجد شعیب