اسلام آباد (این این آئی) پاکستان پیپلزپارٹی کے صدر آصف علی زرداری نے کہا ہے کہ ملک میں نیب چلے گا یا معیشت، دونوں ایک ساتھ نہیں چل سکتے، اگر میاں صاحب کو ضرورت ہے تو لندن چلے چائیں، وہ کہاں جائینگے؟اللہ سب کو صحت دے۔

پیر کو سابق صدر آصف علی زرداری عدالت میں پیشی کے بعد واپس روانہ ہوئے تو صحافیوں نے سوالات کئے۔ایک سوال کے جواب میں سابق صدر آصف علی زر داری نے کہا کہ یا نیب چلے گا یا معیشت چلے گی لیکن دونوں ایک ساتھ نہیں چل سکتے۔ صحافی نے سوال کیا کہ کیا حکومت 5 سال پورے کریگی؟ جس پر آصف علی زر داری نے کہاکہ خدانخواستہ۔سابق وزیراعظم میاں نوازشریف کے لندن جانے سے متعلق سوال پر آصف زرداری نے کہا کہ اللہ سب کو صحت دے، اگر میاں صاحب کو ضرورت ہے تو لندن چلے جائیں، وہ کہاں جائیں گے۔مولانا فضل الرحمان کی تحریک میں شمولیت سے متعلق سابق صدر نے کوئی جواب نہیں دیا اور صرف ’انشاء اللہ‘ کہا۔آخر میں سابق صدر نے صحافیوں سے کہا کہ ’پھر نہیں کہنا میں بولتا نہیں ہوں۔بعد ازاں اسلام آباد ہائی کورٹ میں پیشی کے موقع پر صحافی نے سوال کیا کہ سر خان صاحب کی حکومت کو کوئی مشورہ دینا چاہیں گے۔ جس پر سابق صدر نے کہاکہ مشورہ دیں گے بھی تو اس کو سمجھ نہیں آئیگا۔صحافی نے پھر سوال کیا کہ سر آج  کل عمران خان کے حوالے سے زیادہ ہی خبریں گردش کررہی ہیں کیا کہنا چاہیں گے؟۔ آصف علی زر داری نے جواب دیا کہ ملک میں احتساب نہ احتساب نہ جمہوریت اور ناہی معیشت ٹھیک ہے،ملک میں ناہی حرکت ہے۔

موضوعات:آصف علی زرداری