لاہور(این این آئی) صوبائی وزیر اطلاعات وثقافت فیاض الحسن چوہان نے کہاکہ ووٹ کو عزت دینے والوں کا وریہ آج پوری قوم نے دیکھا،(ن) لیگ کے ممبران اسمبلی نے شہباز شریف چھوٹو کی قیادت میں غنڈہ گردی کی ہر غنڈہ گردی کے اوپر حمزہ شہباز کے چہرے پر مسکراہٹ تھی۔ میڈیا سے گفتگو کرتے ہوئے صوبائی وزیر فیاض الحسن چوہان نے کہاکہ (ن) لیگ نے سیکرٹری اسمبلی پر حملہ کیا جس کی ہم مذمت کرتے ہیں۔شہباز شریف کے ہجر و صال میں اراکین نے ڈاکو کہہ کر یاد کیا،کارکن اگلے

دو ہفتے بھی شہباز شریف کا چہرہ نہیں دیکھ سکیں گے۔ا نہوں نے کہاکہ اسمبلی کے باہر علینہ خان کے حوالے سے گفتگو کرکے عورت کی حرمت پر حملہ کیا۔حمزہ شہباز شیشے کے محل میں بیٹھ کر پتھر نہ ماریں۔مخالف کی ماں بہن اور بیٹی کے خلاف بات کرنا چھوڑ دیں۔انہوں نے کہاکہ پنجاب کے اداروں میں کھربوں روپے کی کرپشن کا حساب دینا پڑے گا۔پنجاب کے تفتیشی ادارے آزاد ہیں۔کرپشن کی گاجریں کھائیں ہیں تو پھر چیخیں کیوں مارتے ہیں ہم نے پنجاب کولوٹنے والوں کا احتساب کرناہے۔