اسلام آباد(مانیٹرنگ ڈیسک)نواز شریف ، مریم نواز اور کیپٹن صفدر کے پیرول میں سوموار 4بجے تک کی توسیع، سعودی سفیر ، ایرانی قونصلر ، سابق صدر ممنون حسین کی جاتی امرا میں نواز شریف سے ملاقات، اظہار تعزیت۔ تفصیلات کے مطابق پنجاب حکومت نے نواز شریف، مریم نواز اور کیپٹن صفدر کے پیرول میں سوموار 4بجے تک توسیع دیدی ہے ۔ واضح رہے کہ اس سے قبل سابق وزیراعظم ، ان کی صاحبزادی اور داماد کو بیگم کلثوم نواز کی وفات کے بعد ابتدائی طور پر 12گھنٹے کے پیرول پر رہا کیا

گیا تھاجس کے بعد پیرول میں 5روز کی توسیع دی گئی تھی جو کہ اتوار کو ختم ہو رہی تھی ۔ دوسری جانب بیگم کلثوم نواز کی وفات پر تعزیت کرنیوالوں کی جاتی امرا آمد کا سلسلہ جاری ہے۔ اہم شخصیات کی جانب سے نواز شریف سے بیگم کلثوم نواز کی وفات پر تعزیت کی گئی ہے۔ سعودی سفیر اور ایرانی قونصلر کے علاوہ سابق صدر ممنون حسین نے گزشتہ روز جاتی امرا میں نواز شریف سے ملاقات کر کے بیگم کلثوم نواز کی وفات پر گہرے دکھ اور غم کا اظہار کرتے ہوئے ان کے ایصال ثواب کیلئے دعا کی۔

موضوعات:پیرول مریم نواز نواز شریف