راولپنڈی(این این آئی) پاکستان مسلم لیگ (ن)کے تاحیات قائد اور سابق وزیر اعظم محمد نوازشریف نے لیگی رہنماؤں کو انتخابات میں مبینہ دھاندلی کے خلاف ہر فورم پر آواز اٹھانے کی ہدیت کرتے ہوئے کہا ہے کہ دھونس ٗ دھاندلی اور دباؤ کے خلاف احتجاج جاری رہنا چاہیے ۔ ذرائع کے مطابق جمعرات کو پاکستان مسلم لیگ (ن)کے صدر شہباز شریف ٗ خواجہ سعد رفیق ٗ خواجہ آصف ٗ سینیٹر پرویزر شید ٗ مریم اورنگزیب ٗ احسن اقبال ٗ ایاز صادق اور سینیٹر مشاہدحسین سیدسمیت لیگی رہنماؤں اور کارکنوں

نے ملاقاتیں کیں جس میں ملک کی مجموعی سیاسی صورتحال سمیت مختلف امورپرتبادلہ خیال کیا گیا ۔اس موقع پر لیگی رہنماؤں نے سابق وزیر اعظم محمد نوازشریف سے خیریافت بھی دریافت کی ۔ ملاقات کے دور ان بات چیت کرتے ہوئے سابق وزیر اعظم محمد نوازشریف نے ہدایت کی کہ مبینہ دھاندلی کے خلاف ہر فورم پر آواز اٹھائی جائے انہوں نے رہنماؤں کو آل پارٹیز کانفرنس میں شرکت کر نے کی ہدایت کرتے ہوئے کہاکہ دھونس، دھاندلی اور دباو کے خلاف احتجاج جاری رکھا جائے۔

موضوعات:نوازشریف