لاہور (نیو زڈیسک) تحریک انصاف کا ایک اور امیدوار جرائم پیشہ نکلا،پی پی 50سے امیدوار محمد سجاد پر زنا بالجر ،اقدام قتل سمیت دیگر سنگین مقدمات درج ہیں۔ میڈیا رپورٹس کے مطابق تحریک انصاف کے امیدواروں سے متعلق سروے پر کئی سوالات اٹھ گئے ہیں کیونکہ ان کا ایک اور امیدوار جرائم پیشہ نکلاہے ۔حلقہ پی پی50سے امیدوار محمد سجاد پر زنا بالجبر، اقدام قتل سمیت دیگر سنگین نوعیت کے جرائم میں ملوث نکلے ہیں

ان کے خلاف زنا بالجبر کا مقدمہ نمبر120-02اسلامک لاء457کے تحت تھانہ صدر نارووال میں درج ہے،قتل ،اقدام قتل کا مقدمہ نمبر63-02بھی تھانہ صدر ناروال میں درج ہے، قتل کے2مزید مقدمات تھانہ بدو ملہی نارووال میں درج ہیں۔محمد سجاد پر لاہور کے تھانہ گجرپورہ لاہور نمبر196-07میں بھی تین افراد کے قتل کا مقدمہ درج ہے۔ذرائع کے مطابق پارلیمانی بورڈ نے ابرار الحق کی سفارش پر محمد سجاد کو ٹکٹ دے دیا جس پر اب سوالات اٹھائے جا رہے ہیں ۔ اس حوالے سے محمد سجاد کا کہنا ہے کہ سیاسی رہنمائوں کے خلاف مقدمات درج ہوتے رہتے ہیں مگر ضروری نہیں کہ سب سچ ہو ۔

موضوعات:تحریک انصاف محمد سجاد