اسلام آباد (مانیٹرنگ ڈیسک) احتساب عدالت کے جج محمد بشیر نے سابق وزیراعظم نواز شریف کو کمرہ عدالت میں جھاڑ پلادی۔ تفصیلات کے مطابق احتساب عدالت کے جج محمد بشیر نے سابق وزیراعظم نواز شریف کو اس وقت کمرہ عدالت میں جھاڑ پلا دی جب وہ ایک لیگی رہنما کے ساتھ گفتگو کررہے تھے۔ لیگی رہنما نے نواز شریف کے قریب آتے ہوئے ان کے ساتھ سرگوشی کی جس پر جج احتساب عدالت نے اظہار برہمی کیا اور کمرہ عدالت میں بات

کرنے پر جھاڑ پلا دی۔ انہوں نے کہا ’جس نے گفتگو کرنی ہے وہ برآمدے میں جا کر کرے‘۔اس سے قبل نواز شریف نے احتساب عدالت میں پیشی کے موقع پر صحافیوں اور اپنے حامی وکلا سے غیر رسمی گفتگو کی۔ اپنے حامی وکلا سے گفتگو کرتے ہوئے کاغذات نامزدگی پر سپریم کورٹ کے فیصلے پر نواز شریف نے اظہار ناپسندیدگی کیا۔ انہوں نے اپنے رد عمل میں کہا کہ آج پارلیمنٹ کہاں کھڑی ہے، آج ریاست کے باقی تین ستون کہاں ہیں؟۔

موضوعات:احتساب عدالت جج محمد بشیر نواز شریف