اسلام آباد (مانیٹرنگ ڈیسک) سیاسی پنڈتوں کا کہنا ہے کہ عمران خان نا اہلی کیس سے بچ جائیں گے جبکہ جہانگیر ترین نااہل ہو جائیں گے جبکہ کچھ کا کہنا ہے کہ دونوں کو نا اہل کر دیا جائے گا، تبصرہ نہیں کر سکتا ، ڈر ہے کہ کوئی مجھے توہین عدالت کا مرتکب نہ کروادے، لیگی رہنما مصدق ملک کی نجی ٹی وی چینل پروگرام میں گفتگو۔ تفصیلات کے مطابق نجی ٹی وی پروگرام میں گفتگو کرتے ہوئے ن لیگ کے رہنما مصدق ملک کا کہنا ہے کہ سیاسی پنڈتوں کا دو آرا سامنے آرہی ہیں جس میں

پہلی رائے کے مطابق کچھ لوگ کہہ رہے ہیں کہ عمران خان نا اہلی کیس سے بچ جائیں گے جبکہ جہانگیر ترین کو نااہل قرار دیدیا جائے گا جبکہ دوسری رائے کے مطابق دونوں کو سپریم کورٹ نا اہل قرار دیدے گی مگر صرف اس ٹرم کیلئے ۔ ان کا کہنا تھا کہ اس وقت قیاس آرائیاں جاری ہیں اور بہتر یہی ہے کہ سپریم کورٹ کے فیصلے کا انتظار کیا جائے ۔ میں سپریم کورٹ کے فیصلے سے قبل اس پر تبصرہ نہیں کرنا چاہتا کیونکہ مجھے ڈر ہے کہ کہیں کوئی مجھے توہین عدالت کا مرتکب نہ کروا دے۔

موضوعات:جہانگیر ترین نا اہلی کیس عمران خان نا اہلی کیس مصدق ملک