اسلام آباد (مانیٹرنگ ڈیسک)حلقہ این اے 120میں مسلم لیگ ن کی امیدوار بیگم کلثوم نواز فاتح قرار پا چکی ہیں انہوں نے اپنے مدمقابل پی ٹی آئی کی امیدوار ڈاکٹر یاسمین راشد کو کئی ہزار ووٹوں کی واضح برتری سے الیکشن میں شکست دی۔ بیگم کلثوم نواز ان دنوں علاج کے سلسلے میں بیرون ملک میں مقیم ہیں ان کی غیر موجودگی میں ان کی انتخابی مہم ان کی بیٹی مریم نواز نے

چلائی ہے۔ حلقہ این اے 120میں ن لیگ اور تحریک انصاف کے درمیان کانٹے دار مقابلہ دیکھنے کو ملا، ویسے تو مجموعی طور پر پولنگ والے دن صورتحال پر امن رہی مگر کہیں کہیں ہاتھا پائی اور لڑائی جھگڑے بھی دیکھنے کو ملے اور دونوں جانب سے کرسیوں ، مکوں اور تھپڑوں کا آزادانہ استعمال بھی کیا جاتا رہا۔ پاکستان کی سیاسی صورتحال کا اگر جائزہ لیا جائے تو اس وقت یہ انتہائی دلچسپ صورتحال اختیار کر چکی ہے۔ ایک ہی خاندان اور گھر کے لوگ ن لیگ اور تحریک انصاف میں تقسیم نظر آتے ہیں، اگر باپ ن لیگ کا حمایتی ہے تو ماں اور بچے ’’بنے گا نیا پاکستان‘‘کا تحریک انصاف کا نعرہ لگاتے نظر آتے ہیں۔ اسی طرح دوستوں میں بھی تحریک انصاف اور ن لیگ کو لیکر ہلکی پھلکی نوک جھونک دیکھنے کو نظر آتی ہے۔ اسی طرح کی دو دوستوں کی ایک ویڈیو سوشل میڈیا پر وائرل ہو چکی ہے اور دیکھنے والوں کی تعداد میں اضافہ ہو رہا ہے ۔ ویڈیو میں دیکھا جا سکتا ہے کہ حلقہ این اے 120میں ن لیگ کی فتح کی خبر آتے ہی ایک دوست پوری قوت سے ڈیک پر ن لیگ کا ترانہ ’’میاں دے نعرے وجنے وجنے نے‘‘لگا کر اس پر محو رقص ہے اور دوسری جانب اس کا دوست تحریک انصاف کی شکست پر مایوس زمین پر بیٹھا ہے جسے وہ وقفے وقفے سے تنگ کرتا اور چھیڑتا نظر آرہا ہے۔آپ بھی ویڈیو ملاحظہ کریں!

موضوعات:حلقہ این اے 120