لاہور( این این آئی )مسلم لیگ (ن) نے خیبر پختونخواہ میں تحریک انصاف کی حکومت کی پالیسیوں کو ہدف بنانے کیلئے تین رکنی کمیٹی تشکیل دیدی ۔ کمیٹی میں انجینئر امیر مقام ، کیپٹن (ر) محمد صفدر اور ڈپٹی اسپیکر مرتضیٰ جاوید عباسی شامل ہیں ۔ بتایاگیا ہے کہ تین رکنی کمیٹی تحریک انصاف کی صوبائی حکومت کی

پالیسیوں کو نشانہ بنانے کے لئے مسلم لیگ (ن) کے مرکزی قائدین کو مواد فراہم کرے گی ۔ ذرائع نے مزید بتایا کہ یہ کمیٹی جمعیت علماء اسلام (ف) کے سربراہ مولانا فضل الرحمن سے بھی رابطہ کرے گی ۔مذکورہ کمیٹی خیبر پختونخواہ میں نواز شریف کے جلسوں کے انعقاد کیلئے انتظامات بھی کرے گی ۔

موضوعات:تحریک انصاف مسلم لیگ ن