اسلام آباد(مانیٹرنگ ڈیسک)عائشہ گلالئی کا معاملہ تحریک انـصاف اور عمران خان کے گلی کی ہڈی بن گیا، لاہور ہائیکورٹ میں تحریک انصاف کے چیئرمین کا موبائل ڈیـٹا سامنے لانے پر درخواست سماعت کیلئے مقرر، تفصیلات کے مطابق پاکستان تحریک انصاف کے

چیئرمین عمران خان اور عائشہ گلالئی معاملے پر لاہور ہائیکورٹ میں دونوں کا موبائل ڈیٹا سامنے لانے کیلئے دائر درخواست سماعت کیلئے مقرر کر دی گئی ہے۔ لاہور ہائیکورٹ کے ایک رکنی بنچ جس کے واحد رکن جسٹس انوار الحق ہیں نے درخواست سماعت کیلئے مقرر کی ہے۔واضح رہے کہ عائشہ گلالئی کے الزامات کے بعد وزیراعظم کی ہدایت پر سپیکر قومی اسمبلی سردار ایاز صادق نے معاملے کی تحقیقات کیلئے ایک 10رکنی پارلیمانی کمیٹی تشکیل دی ہے ۔ یاد رہے کہ تحریک انـصاف کے چیئرمین عمران خان پارلیمانی کمیٹی کو خوش آمدید کہتے ہوئے تحقیقات کے حوالے سے اپنا بیان دے چکے ہیں جس میں انہوں نے معاملے کی تحقیقات اور فرانزک ماہرین کے سامنے موبائل دینے کا اعلان کیا تھا تاہم ان کی جماعت کی جانب سے پارلیمانی کمیٹی کو مسترد کرتے ہوئے کہا گیا تھا کہ کمیٹی میں سیاسی حریف شامل ہیں جن کی وجہ سے وہ سمجھتے ہیں کہ تحقیقات شفاف نہیں ہو سکتیں۔ پارٹی کی جانب سے یہ بیان سامنے آنے کے بعد عمران خان نے بھی اپنے پہلے بیان سےمنحرف ہوتے ہوئے اپنے موبائل کا فرانزک معائنہ کرانے سے بادی النظر میں انکار کر دیا تھا اور کہا تھا کہ جس نے الزام لگائے ہیں ثبوت بھی وہی سامنے لائے۔

موضوعات:عائشہ گلالئی عمران خان لاہور ہائیکورٹ