اسلام آباد (مانیٹرنگ ڈیسک) نواز شریف کی نااہلی کے بعد چوہدری نثار کا ’’ستارہ‘‘ عروج پر، تفصیلات کے مطابق سابق وزیر داخلہ چوہدری نثار علی خان نے سپریم کورٹ کے پاناما کیس کے فیصلے سے پہلے جو پریس کانفرنس کی تھی، اس پریس کانفرنس سے چوہدری نثار علی خان کی مقبولیت میں غیرمعمولی اضافہ ہوا ہے۔ مسلم لیگ (ن) کے رہنما چوہدری نثار علی خان نے سپریم کورٹ کے فیصلے آنے پر استعفیٰ کا اعلان کیا تھا اور سابق وزیراعظم نواز شریف کو فیصلے کا احترام اور

اس پر عمل کرنے کا کہا تھا جسے میاں محمد نواز شریف نے قبول کر لیا۔ سوشل میڈیا پر اس پریس کانفرنس کے بعد دیکھنے میں آیا ہے کہ سابق وزیر داخلہ چوہدری نثار کے مخالف جماعت کے لوگ بھی ان کی مسلم لیگ سے وفاداری اور اپنے اصولوں کے پابند ہونے کے مرید ہو گئے ہیں، اس وجہ سے چوہدری نثار کے سیاسی قد میں اضافہ ہوا ہے، اس وقت سیاسی کیرئیر میں چوہدری نثار علی خان عروج پر ہیں اور مسلم لیگ (ن) میں وہ واحد رہنما ہیں جو عوام میں سب سے زیادہ مقبول ہیں۔

موضوعات:چوہدری نثار