اسلام آباد (مانیٹرنگ ڈیسک) پاک فوج کے ترجمان میجرجنرل آصف غفورنے واضح کیاہے کہ ڈان لیکس میں نامکمل چیزآج مکمل ہوگئی ہے،وزارت داخلہ نے اپنانوٹفیکیشن جاری کردیاہے، انکوائری بورڈنے جن کوذمہ دران ٹھہرایا،ان کووزیراعظم آفس بھجوادیا،یہ کہناکہ اس کانام نہیں یاہوناچاہیے یہ درست نہیں۔

انہوں نے ڈان لیکس ایشوپرمیڈیاسے گفتگوکرتے ہوئے ایک سوال کے جواب میں کہا کہ ڈان لیکس پرانکوائری بورڈبیٹھا ،انکوائری بورڈکے اندریہ تینوں نام آگئے۔ انہوں مریم نوازکے سوال پرکہا کہ انکوائری بورڈنے اپناکام بڑاسوچ سمجھ کرمکمل کرکے دیا۔اب یہ کہناہے کہ کس نام ہے یانہیں یہ کہنادرست نہیں ہے۔انہوں نے کہا کہ بھارتی جاسوس کلبھوشن کوہم نے ملٹری کورٹ کے تحت سزاسنائی ہے۔انڈیانے عالمی عدالت میں اپیل کی ہے۔اس کی تفصیلات وزارت خارجہ شیئرکرے گی۔ڈی جی آئی ایس پی آرنے کہا کہ ایران ہمسایہ ملک ہے اس سے اچھے اور تاریخی تعلقات ہیں۔ ایرانی آرمی چیف کابیان ان کے ماحول کے مطابق آیاہے۔ایرانی آرمی چیف کاجواب دفترخارجہ نے دے دیاہے۔ترجمان پاک فوج میجرجنرل آصف غفورنے کہا کہ ہم کرکٹ بہت شوق سے کھیلتے ہیں۔12سال میں جوکامیابیاں ملیں ان پردھیان دینے کی ضرورت ہے۔آج کل ٹی ٹوینٹی کادورہے۔ہم نے اپنی اننگز شاندار طریقے سے کھیلی ہے۔دلجمعی اور جذبے سے لڑناہے کہ ہم میچ 20ویں اوورسے پہلے ہی جیت جائیں۔گیند بھی مشکل آسکتی ہے اور فیلڈنگ بھی مختلف ہوسکتی ہے۔انہوں نے کہا کہ ہم ٹی ٹوینٹی کے دورمیں 17ویں اوورمیں ہیں۔

موضوعات:پاک فوج نواز حکومت