واشنگٹن(مانیٹرنگ ڈیسک) امریکی محکمہ خارجہ کے ترجمان نے کہا ہے کہ معروف پاکستانی ڈیزائنر خدیجہ شاہ کےکیس کو فالو کررہےہیں،جنگ اخبار میں واجد علی سید، عظیم ایم میاں کی خبر کے مطابق ترجمان امریکی محکمہ خارجہ کی ہفتہ وار پریس بریفنگ میں کہا کہ پاکستانی حکام سے کہا ہے کہ خدیجہ شاہ کو کونسلررسائی دی جائے۔
خدیجہ شاہ دہری شہریت کی حامل ہیں،پاکستانی حکام سے براہ راست رابطے میں ہیں،کوئی امریکی شہری گرفتارہوتاہےتوان کی مدد کے لئے تیاررہتے ہیں، پاکستانی حکام سے توقع رکھتے ہیں کہ منصفانہ سماعت کی گارنٹی ہو گی۔ امریکی محکمہ خارجہ کے ترجمان نے ایک بار پھر پی ٹی آئی کے چیئرمین کے ان الزامات اور بیانات کو غلط قرار دیتے ہوئے مسترد کردیا ہے جو انہوں نے سائفر پیغام کے حوالے سے اپنی حکومت کو ہٹانے کی سازش قرار دیکر امریکا کےخلاف الزامات عائد کئے تھے۔ ایک سوال کا جواب دیتے ہوئے ترجمان نے ان الزامات کو غلط قرار دیا۔
