اسلام آباد(مانیٹرنگ ڈیسک)24 گھنٹوں کے دوران ملک میں کورونا وائرس کے 208 نئے کیسز سامنے آگئے جس کے بعد اس وائرس سے متاثرہ افراد کی تعداد 4 ہزار 72 ہوگئی۔کمانڈ اینڈ کنٹرول سنٹر کے مطابق کورونا وائرس سے ملک میں مزید 4 افراد انتقال کر گئے جس کے بعد کل اموات کی تعداد 58 ہو گئی۔

کورونا وائرس کے 467 مریض اب تک صحت یاب ہو چکے ہیں، 3 ہزار 549 افراد ہسپتالوں میں زیرِ علاج ہیں جن میں سے 25 مریضوں کی حالت تشویش ناک ہے۔24 گھنٹوں کے دوران 3 ہزار 76 افراد کے کورونا کے ٹیسٹ کیے گئے جبکہ مجموعی طور پر اب تک 42 ہزار 159 افراد کے ٹیسٹ کیے جا چکے ۔